Burada belə, orada elə!
15 сентября, 2011 | Author: İdrak-M
Fatma xanım Bunyatova
Bir neçə il bundan öncə “Azərbaycan müəllimi” qəzetinə elan vermək üçün müraciət etmişdim. Müraciətə qəzetin baş redaktorunun şifahi ismarıcı ilə lisenziyamızın olmadığı üçün rədd və üstəgəl heç vaxt çap olunmayacaq cavabı gəldi.
Özümüz üçün bir sayt açdım. Fikirlərimizlə, işlərimizlə, yazılarımızla müəllimlərlə bölüşürük. Ziyarətçilərimizdə dünyanın 80-dan çox ölkəsindəndir, reytinqimiz isə bizə rədd cavabı göndərən baş redaktorun qəzetinin reytinqindən yüksəkdir.
Poçtumuza gələn məktublarda müəlliflər məktəbimizin gördükləri işin, yazımızın davamlı olaraq Amerikanın, Avropanın, Uzaq Şərqin indeksli kompyuter təhsil texnologiyaları jurnallarında çap etməkləri arzusunda olduqlarını bildirir, məruzələrlə çıxışa dəvət edirlər.
Son olaraq Amerikanın SAP jurnalının menecerinin məktubunu diqqətə çəkmək istəyirəm.
Bu yazı ilə mən həm təhsil nazirliyinə, həm də AMEA informasiy texnologiyaları institutuna müraciət etmişəm. Bu ideya, qeyri səlist məntiqi ilə təlimin məzmununu modelləşdirilməsi təlimə yeni bir baxışı özündə əks etdirir. Onu xaricdə anlayıb, qəbul edərək tətbiq edirlər, bəs inkişafda olan təhsil nazirliyimiz, institut nə üçün bunu hələ qəbul etmək istəmirlər?
