Uşaqlar dünyanı belə görürlər
11 апреля, 2011 | Author: İdrak-M
Fatma xanım Bünyatova
Nigarın görümləri
Nigar məktəbdən (Nigarın dilində hazırlıq qrupu — məktəbdir) evə çox vaxt getmək istəmir. Bir gün Nigar məktəbdən çıxıb dostugilə gedəndə Tofiq müəllim (həm də onun «tutma babası») ona deyir:
-Niquş, belə getsə səni məhəlləyə buraxmayacaqlar ki, sən burda yaşamırsan, hərdən-birdən gəlirsən.
Nigar əllərini belinə qoyub şəstlə dedi:
— Mən özümü onlara tanıtdıraram.
-Necə?-deyə Tofiq müəllim soruşdu.
-Gedib atamgilə deyərəm ki bəs mən sizin qızınızam axı. Onda məni hamı onlara görə tanıyar.
Nigarın qardaşı Ağaxan onu həyətdə oynamağa çağırır. Nigar bu çağırışa fikir vermir. Anası bunu görərək Nigara deyir:
-Ay Nigar, axı Ağaxan səni oynamağa çağırır.
-Eh, eşidirəm. Yəqin döyməyə adam axtarır.
Bir gün Nigar evə gedəndə uşaqlara meyvə paylamalı olur. Uşaqlar diqqətlə Nigarın pay bölümünə baxırdılar. Nigar hərəyə bir dilim alma verib özünə də birini götürdü. Sonra o torbanın ağzını bağlayaraq dedi:
— Qalanıda qaqaşın. O, evdə yeyəcək.
