İDRAK MƏKTƏBİ

Fatma xanım Bünyatova.

Vaxtı ikən “İdrak məktəbi”ndə ədəbiyyat müəllimi işləmiş, onun proqramının həyata keçirilməsində əvəzsiz rolu olmuş professor, əməkdar elm xadimi və ən əsası yenilikçi müəllim olan Bəhlul Abdullanın sevimli deyimi idi.

İndi onun öz sözləri də “deyilən söz yadigardır” cərgəsinə keçdi, orada özünəməxsus yer aldı.

“İdrak məktəbi”ndə işlədiyi dövrdə Bəhlul müəllim bir ədəbiyyat müəllimi kimi yox, bir folklor sevgisi olan müəllim kimi öz şagirdlərində şifahi xalq ədəbiyyatına böyük məhəbbət oyatmışdı. Onda dərs zamanı bədahətən gələn uşaq bayatıları şagirdlərdə özlərinin bu bayatıya bayatı qoşmaq  bacarığı, görümü, duyğusu yaradırdı. Dərs çərçivəsindən çıxaraq bir ədəbi yaradıcılıq mərhələsi  keçərək hər bir şagirdin körpəlikdə, uşaqlıqda , nənə babaları tərəfindən ötürülən, gördükləri və götürdükləri obrazlardan müəllimin onlara ərmağan etdiyi biliklərdə özünəməxsus obrazlar yaratmaq olurdu.

Bəhlul Abdulla bir yenilikçi müəllim kimi ilk dəfə olaraq Azərbaycan pedaqoji mühitinə pedaqoji texnologiyalar  anlayışı və onun tətbiqi üsullarını gətirmişdi. Onun 2000-ci ildə F.Bunyatova ilə birlikdə yazdığı “Təlim və tərbiyədə interaktiv texnologiya” kitabı özündə bu gün Azərbaycan təhsilinin islahatının əsas istiqamətlərindən birinin dərs prosesində tətbiqini  özündə ehtiva edir.

İlk dəfə olaraq ədəbiyyat dərslərində rollar üzrə oyun metodu,” Şagird “Mən”inin öyrənilməsində  “Mənim ilk kitabım” mövzusunun tədrisi təcrübəsi Bəhlul müəllimə  məxsusdur.

Şagirdi Könülün, iç dünyasının necə qurduğunu izləyən Bəhlul müəllim şagirdinin dünyanın sirrini anlamadığını, amma bu sirri öz beynində əks etdirdiyini onun şerində görürdü.

Onu doqquza vursaq eyləyər doxsan,

Qorxa-qorxa söyləyir Əliyev Orxan.

Başa düşmədim axı, nədir bu “Xəbər”,

Müəllimdən soruşur qısasaç Əsmər.

Dünyamızın bu böyük gölüdür Xəzər,

Belə deyərək Abbas o, hey sinifdə gəzər.

Bu gün növbətçi mənəm, dedi balaca Məsim,

Yoxsa eşitmirsiniz, sizlərə çatmır səsim.

Nigar şer söyləyir, iki Rəhim baş-başa,

Günayla Günel deyir: nola Nigar çaşa.

Dostlar haqqında bunlar  azdan da azdı,

Bircə gün gördüklərini Könül dəftərə yazdı.

Bəhlul müəllim dövrün nəbzinə uyğun dərsini aparırdı. O şagirdlərinə bir dost idi, onları özünə tərəf  müqabili sayırdı, onları bir şəxsiyyət kimi yetişdirirdi. Qərinələrdən gələn, nəsildən-nəslə ötürülən vətən sevgisi, doğma dilə sevgi hər bir dərsdə ədəbi surətlərlə şagirdlərə ötürülürdü, onlarda vətənimizə, doğma dilimizə böyük məhəbbət yaradırdı.

Və bu hisslər, bu oyanışlar onun vaxtı ilə dərs dediyi və hal hazırda yaşayıb yaradan şagirdlərinin qəlbində bir əbədi nişanədir.

• Tweet
• Pin It

One Response to “Deyilən söz yadigardır…”